Spread the love

以前穿耳時，人地教我地一定要轉下隻耳環，係咪正確嘅呢？😊 穿完耳要轉下隻耳環呢個講法係錯嘅，但出面百分之九十九嘅都教錯？點解呢？！ 😝😝

首先穿環係做一個傷口出黎，而呢個傷口要一段頗長嘅時間先會完全康復。喺穿環嘅過程我地無可避免地會傷及真皮層，如果大家有 睇過我嘅教室就會記得增生性疤痕係因為我地人體皮膚內既真皮層入面有纖維母細胞，而纖維母細胞係會分泌膠原蛋白，當我地穿完環後不斷轉動或移動耳環會令纖維母細胞過份活躍，導致膠原蛋白不受控制不停生長。

所以如果我地不停咁轉動耳環，唔單只不會幫助傷口復原，反而會使傷口更大，影響更深！ 簡單一個譬如：當我地𠝹損隻手，有一個開放性傷口，我地正常會先洗乾淨傷口,塗好消毒藥膏，然後貼上膠布，之後會每天清洗一次或兩次，靜待傷口復原。但我們不會每天不斷去用力扯動傷口，因為我們去扯動傷口是不會幫助傷口復原，反會令傷口更痛！

咁你地就會問，唔係喎，唔轉佢咪會黏實晒囉，我地係前篇文章講過，我地傷口分泌出黎嘅係血小板，本身嘅作用係凝血同代替皮膚嘅作用保護皮膚（正如我們仆親後傷口所結嘅焦），呢d 血小板（血焦）只會係皮膚表面凝固，但唔會係人體內凝結，即是說，只要我們每天都適當清潔，就可以輕鬆清走所有血焦，既然血小板不會在人體內凝結，我們又做好清潔，係完全唔存在耳環會黏實係體內呢個問題！ 的確呢個概念係同大家以前所聽嘅完全不同，但大家細心分析就會明白！