好多人穿完環後，頭一兩星期會出現微腫熱脹嘅感覺，又或穿完環後數星期內，觸碰傷口仍有少許痛感，點解嘅呢？

首先我地認識下傷口出現後嘅三階段！

傷口的癒合過程可分為發炎期、增生期及重整期三個階段。

第一階段為發炎期（炎症期），唔好一聽到發炎兩個字就先驚恐😱，發炎期是指一個階段，而並非大家心中所想嘅發炎😊😊。簡單說，當你俾刀𠝹到，或擠完粒暗瘡，又或仆親嗰一下，我地身體即時出現紅腫痛嘅狀態。即是說，你一仆親嗰刻開始計已經係發炎期。 當一個傷口出現時，大家都會有疼痛，紅腫嘅感覺。因為傷口形成時，吞噬細胞等白血球會形成，殺滅細菌及壞死組織，並在傷口上分泌促進癒合的分泌物，喺呢個期間會有紅，腫，及疼痛嘅感覺。

發炎期是由傷口一出現嗰刻開始就會出現，因此

係每個傷口嘅必經階段。 而穿環是從皮膚上做一個傷口出黎，所以我地都會感受到微熱，紅腫及小許嘅漲痛感，一般處理得宜，無另外加不必要嘅壓力，呢類感覺7-14天左右會慢慢減退！但穿環是一個較為長期嘅傷口，一般所有階段都比正常傷口慢，要有一點耐性啊！🧐🧐 由於發炎期為正常傷口修復階段，所以唔好一聽到係發炎期就大為緊張，此時間的輕微紅腫，漲痛為正常現象，如果你唔依照護理去處理傷口，包括未消毒雙手接觸傷口，或經常刻意轉動耳環等等，都有機會令傷口接觸病毒細菌導致真正傷口發炎發生。

下一章我哋會討論第二階段增生期，如果大家都想更清楚穿環嘅知識及傷口嘅護理大家就唔好錯過啦！🥰🥰