今日我集中講嘅係增生性疤痕,即係大家常見嘅bump 仔,肉粒。😁 如果有bump仔(增生性疤痕)點算好?其實我地最常見嘅bump 係增生性疤痕嘅一種。成因通常係因為穿環涉及刺激影響真皮層,過度活躍嘅纖維母細胞,會產生膠原蛋白,導致增生性疤痕嘅出現! 咁有bump仔係咪代表發炎呢?其實不是的,增生性疤痕出現有很多因素,包括過度刺激傷口,遺傳,傷口護理使用等! 😊

如果出現左bump仔可以點做呢?首先咨詢你嘅穿環師,分辨左係分泌物倒灌(油脂分泌旺盛者最常見),定係增生性疤痕,如果係分泌物倒灌,要先清洗所有分泌物,通常經過4~6次徹底清洗後,會有大幅度改善。待傷口癒合後,最好使用除疤啫喱,作用係為傷口提供滋潤,及適當壓力,防止翻發! 如已形成嘅增生性疤痕,係有傷口嘅情況下,可使用 no pull disc,如無傷口下可使用除疤啫喱。原理就如被火燒傷後,傷者要穿著壓力衣,利用適當既壓力使疤痕慢慢減退!但當疤痕已形成,就需要一段長時間先可以減退啦,要有一點耐性啊! 大家要僅記,傷口必須清潔,避免使用有酒精成分既藥水,以免造成過度刺激。

如果唔好好控制,增生性疤痕有機會演變為蟹足腫架!