穿完環起左粒肉芽係咪發炎呢？

穿完環起左粒肉芽係咪發炎呢？發炎同起肉芽（增生性疤痕）嘅成因係完全唔同嘅！

如果你傷口紅腫，流血流膿，甚至耳環好似陷入耳仔內，呢個係發炎！發炎係因外來細菌感染，踫撞後傷口內壁受感染。發炎既原因有好多，如食物過敏，耳環物料過敏，染髮劑，定形水或受到擠壓……都有機會導致發炎，但一般只要更換耳針，使用消炎藥水，小吃剌激食物，酒精，通常一星期會有改善。呢個情況用茶樹油（需要適當稀釋，不要直接使用），用鹽水都有幫助的！

而起肉芽（增生性疤痕）成因並非發炎，通常平常不會感覺疼痛，只是照鏡時見到肉芽，按壓時才會感到痛感，並會有小量血水。由於肉芽成因並非組織發炎，因為真皮層嘅纖維母細胞過份活躍！所以用茶樹油，或鹽水係無幫助的。我地要使用壓力去控制增生性疤痕。

無論用任何方式穿環、都係製造傷口出黎，即是說無論喺邊到穿，用咩方法穿都好，都有發炎嘅風險！😊穿環師嘅最大責任，係用最低嘅入侵性，做到客人想要嘅效果，同時教客人適當嘅方法處理傷口！但想傷口受感染嘅風險減到最低，客人敬請自律，乖乖聽話🤗