穿完耳後三星期就已經完全癒合？

好多坊間嘅教法係穿完耳後三星期就已經完全癒合，如果你有睇我早前嘅文章，就知道呢個係誤解！

一個傷口基本癒合時間大概9個月左右。喺頭三至五個月你會發覺傷口會出現微紅及微腫，放心，係正常現象。點解呢？因爲你嘅皮膚尚未修復，再加上耳環同皮膚內部組織嘅摩擦，會令傷口做成壓力！

如果你穿完耳半年內出現微紅，微脹（如相中情況），只要無持續出血（微量滲血為常見現象），及持續腫痛，就不用過份緊張。耐心一點，溫柔一點，只要護理方法正確，就不用太擔心。另外每次換耳環有微痛感或滲血都是正常的，通常兩至三日就會改善，但超過五日都完全無改善或愈黎愈痛，就證明左你換耳環時刮損傷口或耳環既嘅質材唔適合你啦！