點解穿環後已經幾個星期仲有血水，仲有小小痛呢？

點解穿環後已經幾個星期仲有血水，仲有小小痛呢？

好多客人黎穿環既時候最常問嘅問題，其中一個一定係傷口幾時埋口呢？好多人認為我都穿左成個月啦，點解仲會有紅，腫，或者痛，有時會滲血水或分泌物呢？

答案係。。。穿耳不論係咩位置，3星期係唔足夠埋口架！穿耳唔單止係皮膚表面嘅傷口，我地係穿過皮膚組織。一般而言，穿環大概要9個月左右嘅時間才可完全愈合！何謂完全愈合呢？除皮膚肉眼可見位置癒合外，耳洞內部嘅傷口都完全成形並有皮膚覆蓋，即耳環針在耳洞內部均為皮膚！

如果一日耳洞內為開放性傷口（皮膚尚未成形），都會分泌血小板，好多人都誤會左有血小板就係發炎，其實係正常既生理現象！

另外每次換耳環時，都有機會刺激更多分泌，所以想傷口快D好就唔好換耳環換得咁密啦！

一個傷口喺頭三至五個月都有微紅或微脹嘅情況，其實好正常架，不用太擔心。當耳洞內壁皮膚成形後，血小板減少，皮膚就會平復架啦！

所以穿環後除要小心護理外，還要耐性，唔好多手，亦唔好經常換耳環，保持清潔及平穩狀態，先有利皮膚生長架！