Spread the love

注意！細菌出沒高危區
唔准用手摸！
大家好多時都會唔為意，穿完環之黎都會手多多咁去摸個傷口。其實我地雙手就係其中一個細菌出沒高危區！穿耳環及穿環護理第一大規條，就係一定唔可以多手去摸個傷口！因為係好容易造成細菌感染！我地雙手接觸好多細菌，當摸去穿環傷口嘅時候，就會好容易令傷口被細菌感染！

日常生活中生細菌高危陷阱區
咁除咗雙手以外，仲有D咩係陷阱區呢？其實仲有好多架！ 日常生活當中，藏有好多細菌，而我地又無留意到嘅呢，就係我哋嘅枕頭！枕頭係同我地穿環傷口接觸得最近，亦都係接觸時間最長嘅一個地方。但佢細菌亦是多得驚人，所以新穿完環要特別留意枕頭衞生，需要更換清潔衛生嘅枕頭袋。

細菌同你有幾近？
除此之外，大家每日一定好長時間接觸嘅電話同耳機都係超級高危架！不少人如廁或食飯時都會機不離手，手提電話缺乏消毒清潔，會黏附著大量細菌！而電話最常接觸手部及面部，所以記得每日用酒精消毒紙巾抹下電話同耳機，確保衛生！（記住！酒精消毒紙巾只係用黎消毒電話同耳機，千其唔好用黎抹傷口啊！！）

相關資訊：

想知點解唔可以用酒精消毒傷口？睇下消毒篇！用酒精洗傷口啱唔啱？