紋身後可唔可以游水?

一到夏天🔆,大家一定好急不及待,想要趁住陽光與海灘之時,乘機Show 下自己嘅靚紋身出黎俾大家睇😎。每逄夏天,問得最多嘅問題,就係紋身後可唔可以去游水呢?

可惜地,新嘅紋身喺完全康復前,係唔可以去游水❌不論去沙灘或游泳池,都係唔准架🚫仲有浴缸浸浴,桑拿,溫泉同木桶嘅汗蒸等等,都一樣唔可以做住。不單止有機會影響紋身嘅顏色,仲有可能對我地身體造成傷害😱

點解有傷口唔可以去沙灘游水?

皮膚有傷口時,切勿游水!儘管紋身時,紋身師會盡力減低紋身過程對皮膚嘅傷害,但紋身位置始終屬於開放性傷口。傷口康復時,結痂後形成暫時性的結締組織保護傷口,等傷口表皮同組織生長出黎後,自然會結痂脫落。但係,喺表皮仲未生長出黎之前,身體喺無保護層的情況下,就最容易俾細菌入侵,造成感染。皮膚係我地身體最大嘅器官,第一個最重要嘅機能就係保護作用,阻止細菌同病毒入侵身體。皮膚嘅角質層係我哋人體對外嘅第一道防線,平日負責抗壓防護,若角質層中的角蛋白嘅吸水作用,令皮膚浸在水中過久而變軟(變白起皺),令抵禦能力隨之變差,令水中無數的細菌有機可乘,如身上已有傷口,細菌會借機入侵身體,增加感染的風險。特別係免疫系統較弱人士,更加需要小心最常聽嘅就係”食肉菌感染”,所謂「食肉菌感染」可由多於一種細菌引起,如甲類鏈球菌、創傷弧菌、雷伯氏桿菌屬、梭菌屬、大腸桿菌等,當中的創傷弧菌常見於和暖海水之中,可經由傷口入侵人體,引發壞死性筋膜炎,嘬、、嚴重嘅仲有可能需要截肢,甚至乎有生命危險⚠️。特別係免疫系統較弱人士,更加需要小心。除左海水中嘅細菌之外,沙灘上的真菌、藏身沙中的蝨,都有機會令傷口受感染。

泳池經過消毒就無細菌?

泳池水一般會經過氯氣及臭氧等化學品消毒,泳池內含有嘅消毒藥水唔會傷害健康嘅皮膚,但係若皮膚已有傷口,或者感染發炎等症狀時,喺皮膚尚未完全痊癒前不應游水,因為泳池內嘅消毒藥水可能會刺激皮膚傷口,或是傷口遭到水中細菌感染。泳池中好多時會含有好多未及消毒及過濾,🤮含有細菌嘅唾液,尿液等,尿液遇上氯氣嘅化學作用,令不少人在游泳後會雙眼通紅,原因係尿液、汗水及塵埃與氯氣中的化學物結合,產生出刺激物。傷口感染或蜂窩性組織炎則有9成以上來自金黃色葡萄球菌或鏈球菌,金黃色葡萄球菌常見在人類皮屑上,兩者有著共生的作用,每當人類皮膚接觸水,就可能會掉入水內,造成皮膚發炎,出現皮膚紅腫等。

用防水膠布貼住游水又可唔可以呢?

防水膠布,或稱為Second skin嘅透明防水敷料,只可以有有限嘅防護作用,但係。當我地游水時嘅肢體活動,保護膜同樣有機會鬆脫。即使防水膠布本身可以防水,敷料外層及周邊黏附嘅膠帶都可能遇水後浸濕脫落,因此,最好等傷口結痂自然脫落再下水。所以可以保持傷口完全乾燥的敷料係不存在的。
泳池的氯氣同埋海水嘅高鹽分,都會令皮膚更易乾燥。

咁唔游水,剩係曬太陽都得掛?

曬得多同出汗太多都會影響傷口癒合,並會加劇傷口痕癢,令你更加忍唔住去抓。傷口組織對太陽光更加敏感,亦都會令你更加容易曬傷。由於紫外線會阻礙傷口產生新的膠原蛋白,導致癒合時間延後。所以,想要同陽光玩遊戲,最好都係等到傷口完全康復,完成哂甩焦同甩皮嘅過程,先至再去就最理想喇。另外亦都要留意,就算紋左幾耐嘅紋身,每逢有機會游水,游船河及曬太陽等等嘅長時間暴曬,必需要適當地搽防曬保護皮膚及紋身顏色。