紋身後點解要戒口？

紋身後點解要戒口？

紋身傷口康復快慢，可以由好多唔同原因影響。需視乎本身營養狀態、年齡、傷口大小、位置、皮膚損害程度等等因素。想要紋身傷口康復得更理想，除咗適當地護理，正確搽紋身藥膏之外，另一樣可以幫到手嘅就係戒口喇。紋身所造成嘅傷口雖然比較淺層，對皮膚損害不高，但係始終都係傷口，如果可以配合埋戒口，可以減低發炎或者過敏症狀，令康復時間縮短。相對令康復過程中，對紋身顏色效果嘅影響，盡量減至最低。

成日聽人講，要戒口唔可以食啲”發”嘅嘢，到底咩係『發物』呢？

傷口康復期間應減少進食，傳統指容易”發”嘅食物，稱為『發物』。『發物』即係指容易引起過敏或加重病情嘅食物。通常係指一啲具有刺激性或蛋白質和脂肪含量較高的食物。具有刺激性如辣椒等調味品，或酒精飲品。後者則以易引起過敏的蛋、奶、紅肉和海鮮為代表。如本身係皮膚過敏人士，更加應該減少進食『發物』，如蝦、蟹、牛、蛋、鵝、酒等，以免引起傷口過敏。
即使本身係無皮膚過敏，亦建議傷口康復期間後減少進食『發物』。因為，通常皮膚受創傷後，身體相對會較虛弱，而身體虛弱會對『發物』的反應較為明顯，可能容易對依類食物出現過敏反應。當然，發物嘅定義，係相對而唔係絕對，視乎每個人嘅體質而異。

過敏發生嘅症狀？

過敏發生時，皮膚會發紅、起疹，還會有蛻皮、極度痕癢等等症狀。過敏可能會引起紋身傷口位置水腫，導致傷口延期癒合；如果因為皮膚癢，忍唔到手去坳紋身位置嘅皮膚，除咗會影響紋身顏色之外，仲有可能導致局部細菌感染。中醫角度指，『發物』容易傷脾胃，影響傷口恢復及令免疫反應加強，有機會引致傷口紅腫。

戒口唔可以食啲咩？

• 煎炸、辛辣，刺激性食物
  避免進食煎炸、容易上火（即係熱氣嘢）、辛辣、刺激性等容易誘發炎症嘅食物。辛辣食物能通過刺激神經而產生嘅灼熱同疼痛感嘅食物，例如含有辣椒素和胡椒鹼嘅食物。 食用辛辣或過燙嘅食物，會出現燥熱、出汗等反應。由於汗液中無可避免地會存在一定數量嘅细菌，若傷口附近嘅汗腺大量分泌汗液，唔單止不利於傷口癒合，仲會容易導致局部细菌繁殖，增加感染嘅風險。
• 甲殼類海鮮
  避免進食蚌、蝦、蟹、鮑魚等甲殼類海鮮，因為當中通常含有較多嘅組胺酸，若放置時間過長，細菌與酵素會將蛋白質分解，而且進一步將組胺酸反應成組織胺，當人體攝入過多嘅組織胺，就容易引發急性嘅過敏反應。同時，以中醫角度，海腥類食物，大多性寒而腥，對傷口的癒合造成一定程度嘅影響。
• 酒
  不論係紋身前，紋身過程當中或紋身後，都唔適宜飲酒。任何酒類都會對傷口癒合造成一定嘅影響。因為酒精會擴張毛細血管，令傷口位置變得腫脹，而且仲有活血功能，紋身過程中同紋身後飲酒，有機會加重傷口位置出血情況，不利於傷口周圍毛細血管收縮止血，造成感染嘅機率增加，延緩傷口愈合速度。
• 容易燥熱上火或熱帶水果
  桃、荔枝等水果容易上火，而芒果、菠蘿等熱帶水果，容易導致過敏。主要避免燥熱水果就可以，其他水果可以照常進食。水果當中嘅糖份，可以給予充足的能量令傷口癒合，同時提供多種維他命。
• 咖啡因
  不要過度飲用含有較多咖啡因嘅飲品，一兩杯咖啡都還可以，飲太多咖啡、朱古力或能量飲品，過多咖啡因會容易影響血液循環，刺激性也較強，可能引起傷口充血、發癢，造成癒合不良。
• 菇菌類食物
  避免食用菇菌類食物，如蘑菇、香菇等。菇菌多為高蛋白食物，食得多容易上肝火。平時有頭痛、眩暈等症狀的人,要儘量少吃。
• 花生、堅果
  花生、堅果等食品，同樣係致敏源食物，容易導致皮膚過敏。
• 進補中藥
  當歸、红花、川芎等中藥有加速血液循環嘅作用，食用后可能造成已經止血嘅創口再次出現渗血，或引發局部血腫，延長傷口康復過程。

有咩食物可以幫助傷口快啲康復？

• 魚油OMEGA-3 : 鱼油中含有豐富嘅脂肪酸，具有消炎作用，對傷口非常有幫助。所以，唔係咩海鮮都唔食得，魚係可以食㗎！
• 富含維他命A食物：維他命A能夠加速傷口癒合，如動物肝臟、雞蛋、紅蘿蔔、番茄、牛奶等。
• 含鋅的食物：鋅是新陳代謝所需多種酶嘅啟動因數，參與人體脂肪、蛋白質及核糖核酸嘅合成與代謝，有利於表皮細胞嘅分裂生長，加快傷口新生肉芽組織形成，同時還可以預防感染。含鋅的食物主要有：牛肉、豬肝、豬腎等，核桃、花生等堅果
• 蛋白質：提供傷口癒合所需原料，能促進傷口癒合，減少感染機會。有傷口嘅人可多進食含優質蛋白質的食物，魚油中含有豐富的脂肪酸，具有抗炎作用，對傷口癒合有一定益處。
• 脂肪：適量脂肪對傷口癒合有益，當然講緊嘅係好嘅油脂，好嘅油含有豐富脂肪酸，有抗發炎作用，可以選擇魚油、橄欖油。
• 糖份：糖份供應身體力量，供給充足嘅能量係傷口癒合不可缺少嘅一環。喺傷口癒合期間，可以多食含糖豐富嘅水果，既可以增加糖份，又能夠攝取足夠嘅維他命。

到底牛肉、雞蛋同埋花生食唔食得？

戒口要戒幾耐？如果唔覺意食左點算？

戒口時間視乎紋身傷口康復進度，一般建議過咗結痂階段，即係”甩完焦”之後，就可以恢復正常飲食。紋身康復時間因人因而異，通常需要七至十日左右。當然，護理做得夠好，肯戒口配合，康復時間自然縮短，咁就可以快啲去食大餐啦。如果無戒到口，唔為意食咗些少，當然唔至於成個紋身即刻唔靚，但係，會明顯感覺到傷口上嘅紅腫，漲痛感，有機會刺激傷口，引起炎症。同時會令到傷口康復時間延長。如果出現強烈紅腫，漲痛感，唯有忍手，唔可以去坳，以免影響顏色之餘，造成細菌感染。

適量蛋白質及脂肪就夠，進食能促進傷口癒合食物為主

雖然話蛋白質可以促進傷口癒合，但係同時需要注意，食太多豐富蛋白質食物，過份催谷修復反而容易令傷口長出肉芽。傷口位置皮膚纖維細胞處於活躍狀態，身體中有大量蛋白質聚集去修復已受傷嘅組織同傷口，過份嘅組織增生就會導致肉芽生長，尤其是年輕人新陳代謝快，如果再催谷便容易長肉芽。含有高蛋白質，當皮膚纖維細胞過度活躍，大量製造膠原，便會使疤痕不斷生長，疤痕更會凸出、敏感、疼痛、痕癢及出現繃緊嘅感覺。
想要紋身靚靚，就記得適當戒口，以減少身體負荷最重要，能促進傷口癒合食物為主喇！