Spread the love
好多人穿耳骨都係想戴耳圈，見到咁多耳圈嘅款式咁靚，當然會非常心動💗但係其實係唔可以咁快換㗎！
點解呢？

原來太快換耳圈，係會導致傷口變形，起肉芽同埋唔到口㗎！

點解唔可以咁快換耳圈？

首先，我哋穿環係水平方式做一個位置出嚟，即傷口係呈現直線。但耳圈係一隻圓形耳環，即支針會係弧型。
如果我哋一開始就用耳圈，或傷口內壁未成型，就會令傷口向前或向下傾！我哋傷口會做成裂口，咁做會好易誘發肉芽，同令傷口難以癒合。

咁幾耐先可以換耳圈呢？

穿耳喺正常情況下，大概六個月至一年，皮膚才會初步成形。
皮膚係人體非常重要嘅器官，除咗避免細菌病毒進入我哋嘅身體之外，另一個好重要嘅功能，就係幫我哋承受外來嘅壓力，如卸力氣墊，我哋要靠皮膚做一個防御層，幫我哋承受弧型耳環對我哋嘅壓力同損害，所以想佩戴耳圈，就要等待傷口完全癒合啦！
但如果真係好想好快戴耳圈，係咪完全無可能呢？都唔係嘅…
但需要有特定嘅角度，尺寸及款式，詳情請咨詢返穿環師啦！